Page (27)
***Chan wajen gate ya nufa, fuskar sa a hade,ya tambayi ina driver, ya taso da sauri ya bud'e masa motar ya shiga, ya tada motar suka fice daga gidan. Jingina kansa yayi a jikin kujerar ya saka hannu zai ciro wayarsa ya tuno ya barta a daki sanda Fauwaz yake masa magana, tsaki yaja kawai ya maida kansa da yake sara masa, daga dawowar sa sai a nemi a hanashi sukuni haka kawai, ya rasa me yasa Yaya take son kure shi, idan ba haka ba har shine za'a yiwa aure irin wannan? Shi da ko tunanin rayuwar auren ma baya yi yanzu yake son settling ya fara neman yarinyar ma.
Yasmin ce ta fado masa, ya tuna sanda ta rike masa suitcase tana hawaye, wai a dole bata so ya tafi, shi dariya ma ta bashi yadda ta hakikance ita tsakani da Allah take son shi, bayan yasan irin wannan soyayyar bata existing sam. Shi be ma yadda da irin wannan ba, kamar wani wason kwaikwayo haka ya dauki abun, yawo sukayi tayi akan street din Abujan daga wannan su sauka wannan sai da ya gaji kuma ya tuna Baba zai iya dawowa ya nemi shi sannan yace su koma gida.
Baba na harabar gidan tare da wasu mutane suka shigo, zuciyar sa ce yaji ta dan ragu da zafin da take masa ganin Baba, kallon motar Baban yake har suka samu waje sukayi parking ya fito da saurin sa, ya nufi wajen su. Fuskar Baban ce ta fadada da fara'a ganin Tariq din.
"Tariq..."
"Baba barka da warhaka."
Ya russuna k'asa yace
"Ina wuni?"
"Lafiya lou bakon turai."
"Ina wuni?"
Ya gaishe da wadanda suke tare da Baban, suka amsa sai sukayi masa sallama suka tafi. Hannun sa Baba ya kama ya rike suka shiga takawa zuwa part din Yaya suna tafiya yana tambayar shi hanya da sauran abubuwan da ya kamata ya tambaya.
Tare suka shiga Tariq kamar ya kwace ya gudu dan baya son abinda zai hada shi da Yaya a wannan lokacin, so yake ma yaje yayi tunani sosai akan maganar da Fauwaz yayi masa. Hannun sa da yake cikin na Baban ya kalla kamar ya kwace ya daure dai suka shiga falon. Tana kwance tana gyangyad'i suka shigo tayi firgigit ta tashi pretending kamar ba bacci take ba
"Yaya bacci kike ne?" Baba ya tambaya
"Um um, ba bacci nake ba, kallo ma nake abina."
_"Musun me bacci."_ Tariq yace a k'asan makoshin sa
"Dunkum sabon ango ashe tare kuke."
Gimtse fuska yayi, Baba kuma yayi dariya ya zauna ya gaida Yayan sannan Tariq ma ya gaishe ta da k'yar.
"Wai Yaya ya akayi ne ranar baki bani labarin jirgi ba, ya kika ji?"
"Jirgi ni Hajara, ai ban hau ba, su dai chan suka hau ni da Jidda muka bi hanya nan da nan muka isa mu ma."
"Baki hau jirgi ba Yaya? A ah ko dai bacci kikayi dai bayan kun shiga?"
"Da ido na biyu sarai ni banga an hau jirgi ba."
"Ah toh inaga hakan ne, toh shikenan."
"Yawwa." Tace tana gyara daurin kallabin ta
"Dama kawo miki shi nayi Yaya, gashi nan tunda Allah yayi ya dawo, sai a sanar dashi abinda yake faruwa ba sai an wani jira ko bata lokaci ba."
"Tabbas, tunda dai yarinyar nan dai tayi hakuri zaman jiran shekara guda ai ba wasa bane."
"Tariq..."
Baba ya kira sunan sa, gaban sa ne ya fadi, ya daure da k'yar ya amsa
"Na'am Baba."
"Masha Allah, toh magana ce guda daya zuwa biyu, na farko dai mun yi maka wani abun alkhairi duk da babu sanin ka, amma sanin cewa Tariq ba me bijire umarnin iyaye da magabatan sa bane, nasan ba zai taba wasa mana k'asa a ido ba, shiyasa har mukayi maka abinda mu muke ganin gata ne, muka aura maka kanwar ka Hauwa'u."
Shiru yayi kamar ruwa ya chinye shi, adam apple dinsa ya dinga motsawa yana yin sama da k'asa, haka yake a duk lokacin da ransa ya baci. Duk a tunani da halokokon sa ai auren ake shirin hadawa, kenan har an daura tsawon shekara daya kenan idan har kunnen sa ya ji masa daidai.
"Yarinya me hankali da nutsuwa, sam bata bijire mana ko kin bin umarnin mu ba, cikin saukin kai ta amsa mana."
Yaya ta dora tana kallon Tariq din da yayi tsam yana jin kamar an sassare masa kafafunsa.
"Muna fatan zakayi mana biyayya kamar yadda Hauwa'u tayi mana, in sha Allahu ba zakayi dana sanin karbar zabin mu ba."
"Nagode Baba, Allah ya kara girma."
Yace yana damke hannun sa. Fuskar Baban ce ta fadada da fara'a, ya shiga sakawa Tariq din albarka, Yaya tana amsawa. Da k'yar ya mike ya fito daga part din, yana fitowa yasa dukkan karfin sa ya bigi ginin wajen
"Damn it!" Ya fada yana yarfe hannu, gaba yayi kamar zai koma part din Mama, sai kuma ya dawo ya wuce gate ya zauna a wata kujera yana jin dama be dawo ba, yana zaune yaga fitowar Baba daga part din Yaya, sai ya tashi da sauri ya nufi part din ya shiga yana kumbura ya sameta ta cire riga sai daurin kirji alamun kwanciya zatayi
"Ya akayi?" Tace ganin ya tsaya daga kofa yana cika yana batsewa
"Bana son yarinyar nan, gwara ma a raba auren nan dan ba zan taba iya zaman aure da ita ba."
"Na'am? Kace me?"
"Bana son ta, bana son auren."
Matsowa kofar Yaya tayi tana kallon fuskar sa
"Ina jinka, baka so kace ko?"
"Eh, dan Allah Yaya, ki taimaka min."
"Tam, zan taimaka maka, amma ka bani sati uku ayi shagalin bikin nan a gama, ni nasan yadda zan bullowa al'amarin dan nima ba wai inason auren naku bane, tunda kuma kace baka so ai an gama."
Kallon ta yayi a cikin ido, ta gid'a masa kai alamar eh, ta gimtse fuska kamar gaske,
"Shikenan tom, dan Allah kiyi yadda zakiyi."
"Dole na, yanzu dai ka kwantar da hankalin kar Babanku yace baka masa biyayya ba, ka barmun komai a hannu na, Kaje yanzu ka huta ka kwanta."
"Nagode Yaya, nagode sosai."
"Karka damu yiwa kaine."
Tace tana dariya
Fita yayi ta bishi da harara sannan ta rufo kofar ta
"Ja'iri zaka yi bayani ne, idan ma aljanun suka zugo ka daidai nake da su wallahi."
Yana fita yaji zuciyar sa ta dan yi sanyi, maimakon ya wuce bangaren su sai ya juya zuwa part din Auntyn dan yana so yaje yaga yarinyar da tsaurin idonta har ya kai ta yarda a hada su aure, sai ya nuna mata iyakar ta, da matsayinta dan shi ba sa'an ta bane, tukunna ma nawa yarinyar take? Dole ya koya mata hankalin da zata je ta samu Baba da kanta tace ta fasa.
Knocking yayi a kofar da dan karfi, shiru ya sake kwankwasawa sai ya gwada turawa, ta bud'e ya shiga yana kallon falon da yake a share neat sai kamshin turaren wuta da yake tashi me sanyin kamshi, shak'ar turaren yayi ya kalli katotuwar television din dake tayi ita an kunna cartoon network. Aunty na part din Baba dan yau itace da gidan, shiyasa shirun yayi yawa masu aikin kuma duk sun wuce bq, tunawa da yayi da babu abinda yasa a cikin sa yasa shi tunawa da abincin da yaji kamshin sa dazu.
Tana tsaye a kitchen sanye da doguwar sakakkiyar rigar bacci me dan kauri, kanta babu ko dan kwali tana tsaye gaban microwave tana warming abincin da akayi dazun don shi wanda Fauwaz ne kawai yaci sai Aunty da masu aikin. Tun da ta dawo daga wajen su dazun aunty tace a kai masa sai ta doje tace baya nan sun fita, har magriba Aunty ta sake tambayar Fauwaz yace eh ya dan fita be dawo ba, har ta gaji tace a saka a fridge kawai ta tafi part din Baban.
Yunwa ce yanzu ma ta taso ta, bayan ta shaki kukan ta, ta koshi ta gode Allah, taji ciwo fiye da tunanin me tunani, amma ba zata taba bari ko Amira taga weakness dinta ba, dazu ma haka Fauwaz ya sake kiranta amma ta nuna masa babu komai, duk da deep down she's hurt, very hurt da ta kasa iya daukar abun, da kunnenta taji yana ikirarin ba zai so ta ba, tayi masa siranta da yawa, ba ajin sa bace. tabbas duk abinda ya fada haka ne, amma kuma zuciyar ta, ta k'asa karbar gaskiyaar yafi karfin nata, shiyasa har abun ya tsaya mata a ranta sosai.
Kashe microwave din tayi, ta dora abincin akan dan madaidacin tray ta saka ruwa da lemon kwakwar da duk shi akayi wa. Zuciyar ta ce ta sake karyewa tana kokarin daukar abincin, sai ta dora kanta akan kitchen cabinet din ta sake sakin kuka me cin rai.
Kitchen din ya nufo, da niyyar ya duba abincin ko zai samu, sai yaji kamar shasshekar kuka k'asa -kasa, da dan saurin sa ya karasa kofar, ya hangi bayan ta, kanta a duk'e tana fidda sautin kuka irin me taba ran duk me saurare. Gashin kanta idanun sa suka sauka akai, ya bud'e baki cike da mamakin tsawo da bakin sa, yana tsaye ta ware hannun ta, ta jawo tissue dake gefen daman ta, ya bi dogayen zarara-zararan hannayen nata da kallo, sun sha kunshi baki da ja me matukar kyau da daukar hankali abinka da farar mace. Yana nan a tsaye ta gama share fuskar ta, ta jefa tissue din a dustbin ta daga kanta sama tana kokarin maida ragowar kukan da yake taso mata, sannan ta sauke ta dauki tray din a hannun ta, ta juyo idanun ta suka shiga cikin nasa, yana tsaye a jingina da jikin kofar yana kallon ta, irin kallon wacece ke? Irin kallon da ya fara yi mata ranar da ya fara ganin ta. Duk da ya chanja yayi kiba da haske fatar sa ta murje, amma be sauya mata ba, shi din ne dai na ranar farkon nan, idanun sa a shanye kamar me jin bacci, kallo daya biyu tayi masa, sai kalaman sa suka shiga dawowa mata daya bayan daya, da sauri ta sauke kanta k'asa zuciyar ta na harbawa, da sauri da sauri, daga kafar ta, tayi daga wajen da take tsaye, tazo ta gifta ta gefen sa, har jikin ta na gogar nasa dan yadda ya cinye kusan fiye da rabin kofar. Juyowa yayi ya bita da kallo, har ta shige dan corridor din da zai kaita dakin ta, tana shiga tayi saurin dire tray din ta saka key a kofar, ta durkusa a wajen tana sakin kuka.
_INA MASOYA KUMA MA'ABOTA KAMSHI MA SU KAUNAR KAMSASAWA A KODA YAUSHE? DOMIN KAMSHI RAHAMA NE.._
_TO KU MATSO, DOMIN WANNAN KARON MA ZAFAFA BIYAR SUN ZO MU KU DA TALLAN MASARAUTAR KAMSHI NA KAMFANIN TURAREN *YERWA INCENSE AND MORE*_
_A *YERWA INCENSE AND MORE* ZA KU SAMU TURARUKAN WUTA NA *GIDAH, NA KAYA, NA TSUGUNNO* BA A NAN KADAI SUKA TSAYA BA. AKWAI *KHUMRAHS* MASU KAMSHIN LARABAWA DANA FRUITS KAI DAMA KAMSHIN TURAWA. AKWAI KHUMRAHS TA MATAN AURE DA TA YAMMATA_
_SANNAN SU NA DA *TURAREN WANKA DANA SHAFAWA BAYAN AN KAMMALA WANKA.* BA ANAN TURARUKAN NA SU SUKA TSAYA BA. AKWAI *KULACCAM* MAI MATUKAR KAMSHI DA SANYAYA ZUCIYA, SANNAN SU NA DA *MADARORIN TURARUKA NA JIKI DA NA KAYA*_
_AKWAI TURAREN *AL'AJABU NA TSUGUNNO DA KHUMRAH* DIN SA_
_SANNAN SU NA DA *TURAREN GASHI NA CREAM DA KUMA SPRAY DIN SA NA FESAWA*_
_BA ANAN SUKA TSAYA BA. SU NA DA *TURAREN MOPPING, DA NA BANDAKI AKWAI NA RUWAN WANKI DA NA FESAWA A DRAWER KO AKWATI*_
_AKWAI KAYAN GYARARRAKI NA FATA. KUJERAR TSUGUNNO, KASAKE NA WUTA, COAL IGNITER TA KUNNA GARWASHI, ELECTRIC BURNERS DA ENGLISH COAL_
_AKWAI LAFFAYAS DA SAURAN TURARUKA NA KAMSHI KALA KALA_
_SU NA BADA KAYAYYAKIN SU AKAN FARASHIN SARI KO SAYA AKAN DAYA DAYA. SANNAN SUNA TURA KAYAYYAKIN SU KO'INA A FADIN NAJERIYA DA KETARE. KAYAN SU YAN CHADI NE DA SUDAN DA KUMA YERWA WATO MAIDUGURI._
_KYAU, INGANCI DA RAHUSA SAI KAYAYYAKIN KAMFAMIN YERWA INCENSE AND MORE. SAI KUN GWADA ZAKU BAMU LABARI_
_NAMBAR TARHON SU DA ZAA KIRA KO MUSU MAGANA TA WHATSAPP ITACE: 08095215215_
_INSTAGRAM HANDLE DIN SU: @yerwaincense_and_more_
_YERWA INCENSE AND MORE: A NUMBER ONE STOP SHOP FOR HEAVENLY EXOTIC SCENTS AND MORE_
[11/25, 3:54 PM] Rano2: _SL__**